କୃଷି ବିଜ୍ଞାନ କେନ୍ଦ୍ର,ସମ୍ବଲପୁର

English ଓଡ଼ିଆ

ମୁଖ୍ୟ ପୃଷ୍ଠା

ଆମ ବିଷୟରେ

କ୍ଷିପ୍ର ସଂଯୋଗ

କୃଷି ବିଜ୍ଞାନ କେନ୍ଦ୍ରର ଆଭିମୁଖ୍ୟ:

ବିଭିନ୍ନ ସ୍ଥାନର ସମସ୍ୟାକୁ ଅନୁଧ୍ୟାନ କରି ଚାଷୀ କ୍ଷେତରେ ଚାଷ ସମ୍ବନ୍ଧିୟ ନୂତନ କୌଶଳ ଉପରେ ପରୀକ୍ଷଣ ତଥା ଗବେଷଣା କରିବା
ଚାଷୀ କ୍ଷେତରେ ବିଭିନ୍ନ ଫସଲ ଉପରେ କ୍ଷେତ୍ର ପ୍ରଦର୍ଶନ କରିବା ଓ ଏହାର ଅମଳ ଆକଳନ କରିବା ତଥା ଚାଷୀର ପ୍ରତିକ୍ରିୟା ସମ୍ବନ୍ଧିୟ ତଥ୍ୟ ସଂଗ୍ରହ କରିବା
କୃଷି ସମ୍ବନ୍ଧିୟ ନୂତନ ଗବେଷଣା ତଥ୍ୟକୁ ତାଲିମ୍ ମାଧ୍ୟମରେ କୃଷି ସମ୍ପ୍ରସାରଣ କର୍ମଚାରୀଙ୍କୁ ଅବଗତ କରାଇବା
କୃଷକ ତଥା ଯୁବଚାଷୀ କିପରି ଅଧିକ ଅମଳ ପାଇବେ ଓ ସ୍ବରୋଜଗାର କ୍ଷମ ହୋଇ ପାରିବେ ସେଥି ନିମନ୍ତେ ଆନୁଶଂଗିକ ଓ ଧନ୍ଦା ମୁଳକ ତାଲିମ୍ ପ୍ରଦାନ କରିବା

ସମ୍ବାଦ ଓ ଘଟଣା

ବାୟୋସାର

ଧାନ ଚାଷରେ ବାୟୋସାର ହିସାବରେ ନିଳହରିତ୍ ଶୈବାଳ (ବି.ଜି.ଏ.), ଆଜୋଲା, ଆଜୋଟୋବ୍ୟାକ୍ଟର ଓ ଆଜୋସ୍ପିରିଲମ୍ ବ୍ୟବହାର କରାଯାଇଥାଏ |

ଆଜୋଲା

ରୁଆ ଧାନରେ ୨-୩ ସପ୍ତାହ ଆଗରୁ ଜମିକୁ ସମତୁଲ କରି ୪-୬ ଇଞ୍ଚ ପାଣି ରଖନ୍ତୁ | ଏକର ପ୍ରତି ୪ କ୍ବିଣ୍ଟାଲ ଆଜୋଲା ଆଣି ଜମିରେ ଛାଡି ଦିଅନ୍ତୁ | ତା'ପରେ ଏକର ପ୍ରତି ୨୫ କି.ଗ୍ରା. ସୁପର ଫସଫେଟ୍ ସାରକୁ ୩ ଭାଗ କରି ୩ ଥରରେ ଜମିରେ ପ୍ରୟୋଗ କରନ୍ତୁ | ୩ ସପ୍ତାହ ବେଳକୁ ଜମିରେ ଆଜୋଲାର ଏକ ଆସ୍ତରଣ ମାଡିଯିବାର ଦେଖିଲେ ପାଣି କାଟି ଦିଅନ୍ତୁ | ହଳ କରି କାଦୁଅ କରି ଆଜୋଲାକୁ ମାଟିରେ ମିଶାଇ ଦିଅନ୍ତୁ | ଧାନ ରୁଆ ସରିଥିଲେ, ଏହାର ୭ ଦିନ ପରେ ଏକର ପ୍ରତି ୪ କ୍ବିଣ୍ଟାଲ ଆଜୋଲା ଜମିରେ ଛାଡି ଦିଅନ୍ତୁ | ୩ ସପ୍ତାହ ପରେ ଜମିରୁ ପାଣି କାଟି ଘାସ ବଛା ଯନ୍ତ୍ର ସାହାଯ୍ୟରେ ଆଜୋଲାକୁ ମାଟିରେ ମିଶାଇ ଦିଅନ୍ତୁ |

ନିଳହରିତ୍ ଶୈବାଳ (ବି.ଜି.ଏ.)

ଧାନ ରୁଆର ୭ ଦିନ ପରେ ଏକରକୁ ୬ କି.ଗ୍ରା. ହିସାବରେ ବି.ଜି.ଏ. ୩ ଥର ପ୍ରୟୋଗ କରାଯାଏ | ଜମିରୁ ପାଣି ଶୁଖିବା ପାଇଁ ଦିଅନ୍ତୁ ନାହିଁ | ବି.ଜି.ଏ. ପଡିଥିବା ଜମିରେ ସାଧାରଣତଃ ଏକର ପ୍ରତି ପ୍ରାୟ ୧୦ କି.ଗ୍ରା. ହିସାବରେ ଯବକ୍ଷାରଜାନ ମିଳିଥାଏ |

ଆଜୋସ୍ପିରିଲମ୍

ଏକ ଏକର ପାଇଁ ଆବଶ୍ୟକ ଧାନ ବିହନ ନିଅନ୍ତୁ | ୫୦୦ ଗ୍ରାମ୍ ଆଜୋସ୍ପିରିଲମ୍କୁ ୧ ଲିଟର ପାଣିରେ ଗୋଳାଇ ଏକ ମଣ୍ଡ ପ୍ରସ୍ତୁତ କରନ୍ତୁ | ଏହି ମଣ୍ଡକୁ ଧାନ ବିହନରେ ମିଶାଇ ଛାଇରେ ଶୁଖାଇ ଦିଅନ୍ତୁ | ଏହାପରେ ବିହନକୁ ଜମିରେ ବୁଣି ଦିଅନ୍ତୁ | ଏହିପରି କରିବା ଦ୍ବାରା ଏକର ପ୍ରତି ୧୦ କି.ଗ୍ରା. ଯବକ୍ଷାରଜାନ ମିଳିଥାଏ |

ପି.ଏସ୍.ବି.

ଫସଫରସ୍ ଖାଦ୍ୟସାରର ଫସଲର ସହଜ ଲଭ୍ୟ ହେବା ପାଇଁ ପି.ଏସ୍.ବି. ଏକର ପ୍ରତି ୨ କି.ଗ୍ରା. ଆବଶ୍ୟକ | ଏହାକୁ ୧୦ ରୁ ୧୫ କି.ଗ୍ରା. ଖତ ସହ ମିଶାଇ ଜମି ପ୍ରସ୍ତୁତ ପୂର୍ବରୁ ପ୍ରୟୋଗ କରନ୍ତୁ |

ଗୁରୁତ୍ବପୂର୍ଣ୍ଣ ସଂଯୋଗ